அம்மா -ஓர் கவிதாஞ்சலி !..

என் ஆத்ம தலைவன் 

நீர் இல்லை 

என் விருப்பமும்

நீர் இல்லை ஆனாலும்

கண்ணோரம் வழிகிறது

இருதுளி கண்ணீர்!

தைரியத்தின் மறுபெயர்

தமிழகத்தின் திருஉயிர்

சமரசம் செய்து கொள்ளா

தலைவி நீ !

அரசியல் வெற்றிடம் இங்கே

அதை நிரப்புவார் எங்கே ?

எதிர்த்தோர் மனதிலும் 

ஓர் இடம் அனைவர் 

நெஞ்சிலும் நீங்கா இடம்!

என் ஆத்ம தலைவன் 

நீர் இல்லை 

என் விருப்பமும்

நீர் இல்லை ஆனாலும்

கண்ணோரம் வழிகிறது

இருதுளி கண்ணீர்!

-முதல்வரின் மறைவிற்கு எனது கவிதாஞ்சலி

என் தந்தை

**கருத்துகள் அதிகம்
பகிர்ந்ததில்லை...
அளவளாவி அதிகம்
பேசியதில்லை ...

**அதிகமாய் என்னை
கண்டித்ததில்லை ...
கஷ்ட காலத்தில் கூட
படிப்பே பிரதானம் என
வேலைக்கு அனுப்பியதில்லை ...

**சிறு கடின வேலையில்
கூட என்னை
ஈடுபடுத்தியது இல்லை..
என் தந்தை...

**வேறுபட்ட தந்தை களுள்
என் தந்தையும் ஒருவர் ...

தந்தை

எப்போதும் என்னிடம்
கண்டிப்பாய் கறாராய்
இறுக்கமாய் இருக்கும்
தந்தை இனிதாய் பேசினார்
அரசு வேலை கிடைத்த சமயம்..
இப்போது நினைக்கிறேன்
அவர் அப்படி நடந்து கொண்டதே
நான் நன்றாக வர வேண்டும்
என்பதால் தானோ என்று...

கலவை பெண்

பூக்களை
கொஞ்சம் கிள்ளி எடுத்து
புன்னகை
கொஞ்சம் செய்து கலந்து
உறவுகளை
கொஞ்சம் உயிரில் சுமந்து
செய்த உன்னத கலவை
பெண்

பெண்

கண்கள் அவளின் கவிமொழி
நாணம் அவளின் அடையாளம்
நளினம் அவளின் நற்குணம்
ஒழுக்கம் அவளின் உயிர்
அவள் தான் பெண் !

கடவுள்

படைக்கிறாள்
காக்கிறாள்
அழிப்பதில்லை
கடவுள் தானே
தாய்

தாய்

எதிர்பார்ப்பில்லாத
உறவு இவ்வுலகில் ஒன்று
இருக்குமானால் அது
தாய் உறவு மட்டுமே!