பெண்

**பெண் ஓர் தென்றல்
அவளை மதிப்பவர்க்கு!
பெண் ஓர் புயல்
அவளை பழிப்பவர்க்கு!

**பெண் ஓர் சூரியன்
பகைவரை சுட்டெரிப்பதில்!
பெண் ஓர் நிலா
கவிஞர்களை
சுண்டி இழுப்பதில்!

**பெண் ஓர் கவிதை
காதலனுக்கு
பெண் ஓர் விதை
குடும்பத்தை விஸ்தரிப்பதில்
பெண் ஓர் மலர்
மென்மையின் உருவாய் இருப்பதால்..

**மொத்தத்தில்
பெண் ஓர் இறை
படைக்கிறாள்
காக்கிறாள் அழிப்பதில்லை...

கலவை பெண்

பூக்களை
கொஞ்சம் கிள்ளி எடுத்து
புன்னகை
கொஞ்சம் செய்து கலந்து
உறவுகளை
கொஞ்சம் உயிரில் சுமந்து
செய்த உன்னத கலவை
பெண்

நாளைய தமிழ்

*அங்கு கண்டேன்
இங்கு கண்டேன்
கூறிடுவர் விரைவில்
நம் தமிழ் எங்கு கண்டோம் என !

*ஆங்கிலம் இணைப்பு மொழி தானே
ஏன் உயிர்ப்பாக நினைக்கிறாய் ?
ஆங்கிலத்தை அரவணை
தவறில்லை தமிழை ஏன்
துறவறம் கொள்ள செய்கிறாய் ?

*தமிழனை கண்டாலாவது
தமிழில் பேசு
பிறரோடு உன் ஆங்கிலத்தை வீசு!

*நாளைய உலகில்
தமிழ் இருக்கட்டும்
இறக்கச் செய்திடாதே !

பெண்

கண்கள் அவளின் கவிமொழி
நாணம் அவளின் அடையாளம்
நளினம் அவளின் நற்குணம்
ஒழுக்கம் அவளின் உயிர்
அவள் தான் பெண் !

நட்பு

இயந்திர
இதயங்கள்
அவ்வப்போது
இளைப்பாறி
கொள்கின்றன
இனிய நட்பு
கிடைத்தால் ...

கடவுள்

படைக்கிறாள்
காக்கிறாள்
அழிப்பதில்லை
கடவுள் தானே
தாய்

தாய்

எதிர்பார்ப்பில்லாத
உறவு இவ்வுலகில் ஒன்று
இருக்குமானால் அது
தாய் உறவு மட்டுமே!

மிதிவண்டி

தன்னை
மிதித்தாலும் நம்மை
சுமந்து செல்கிறது
மிதிவண்டி நம்மால்

முடியுமா?

கனவுகள்

செலவின்றி
தணிக்கை இன்றி
தனி நபர் காணும்
திரைப்படம்

திருமணம்

கனவுகள் அரங்கேற
நினைவுகள் நிழலாட
உறவுகள் புதிதாக
பிரிவுகள் நிஜமாக
இருமனம் இணையும்
திருமணம்