நீங்களும் வெல்லலாம் ஒரு கோடி-சில அதிரி புதிரி கேள்விகள்

• ஏகப்பட்ட எதிர்பார்ப்புகளுக்கு மத்தியில் கடந்த திங்கள்(FEB 27,2012) அன்று ஆரம்பித்தே விட்டது விஜய் டிவியின் "நீங்களும் வெல்லலாம்  ஒரு கோடி"நிகழ்ச்சி. இந்த நிகழ்ச்சிக்கு போட்டியாக "கையில் ஒரு கோடி" நிகழ்ச்சியை சன் டிவி நடத்தவுள்ளது 

• சூர்யா நடத்துவது இந்நிகழ்ச்சியை மேலும் மெருகேற்றி விட்டது.ஆனால் கேள்விகள் நிச்சயம் பங்கு பெறுபவர்களை லட்சாதிபதி ஆவது ஆக்கி விடும் அதற்கு விஜய் டிவி க்கு வாழ்த்துக்கள் .(!)

• நேற்றைய நிகழ்ச்சியை தீபிகா என்ற பங்கேற்பாளர் சிறப்பாக கொண்டு சென்றார் பறக்கும் முத்தங்களும் பாடலும் சிரிப்புமாய் கொண்டு சென்றார் 

• நிகழ்ச்சியை பார்க்கும் போது அவ்வப் போது விவேக்கின் கோடீஸ்வரன் கலாய்ப்பு நிகழ்ச்சி  ஞாபகம் வந்தது எனக்கு !

அப்படிப்பட்ட அதிரி புதிரி கேள்விகள் கடந்த இரு தினங்களில்  உங்கள் பார்வைக்கு கீழே!

• 2012 இல் வந்த இந்த திரைப்படத்தின் தலைப்பை பூர்த்தி செய்க.-----------சொதப்புவது எப்படி ?

A)நட்பில்  B)வாழ்க்கையில் C)காதலில் D)உறவில்

(இதற்கு விடை தெரிய   பங்கேற்ற அன்பர் AUDIENCE-LIFELINE தேர்ந்தெடுத்தார்)

• திருமணமானவர்கள் கொண்டாடும் முதல் தீபாவளியை எப்படி அழைப்பார்கள்?

A)கை தீபாவளி B)கால் தீபாவளி C)தலை தீபாவளி D) மூக்கு தீபாவளி

• நீங்கள் செய்வதை அப்படியே இன்னொருவர் செய்தால் அதை எப்படி அழைப்பார்கள்?

A)கொசு அடிச்சான் காப்பி B)ஈ அடிச்சான் காப்பி C)நாய்  அடிச்சான் காப்பி D)பேய் அடிச்சான் காப்பி

• (கோ படத்தின் "என்னமோ ஏதோ" பாடல் ஒலிக்கிறது.)கேள்வி இது தான்.நீங்கள் கேட்ட இந்த பாடல் இடம்பெற்ற திரைப்படம் எது?

A)போக்கிரி B)மஜா C)கோ D)எந்திரன்

• டிசெம்பர்  2011 இல் தமிழகத்தை மிகவும் பாதித்த புயல் எது ?

A)பிஜ்லி B)தானே C)அக்னி

(இந்த  கேள்விக்கு அன்பர் PHONE A FRIEND -LIFELINE தேர்ந்தெடுத்தது மிகவும் கொடுமை தானே!)


இந்த  கேள்விகள் எல்லாம் பார்க்கையில் லட்சாதிபதி ஆவது ஆகி விடுவோம் தானே நாம் பங்கேற்றால் !


உங்கள் பார்வைக்கு:

•  இலவசBLOGGER TEMPLATE வழங்கும் தளங்கள்

•  இலவச BANNER வழங்கும் தளங்கள்

காதலில் சொதப்புவது எப்படி?-விமர்சனம்

"காதலில் சொதப்புவது எப்படி"-படத்தை பற்றிய எனது எண்ணங்கள் இங்கே !

 " நாளைய இயக்குனர்" தொலைக்காட்சி நிகழ்ச்சியில் வந்த குறும்படத்தை 

திரைப்படமாய் சிறப்பாய் தந்ததற்கு   வாழ்த்துக்கள் பாலாஜி. அந்த குறும்படம் உங்கள் பார்வைக்கு !

கதையின் கரு 

• ஈகோ வினால் பிரிந்த காதலர்கள் எப்படி ஓன்று சேர்கிறார்கள்  என்பதே கதை.

• சித்தார்த்தும் அமலாபாலும் போட்டி போட்டு கொண்டு நடித்திருக்கின்றனர்

நெகடிவ் க்ளைமாக்ஸ் இல்லை.சுவிட்சர்லாந்து டூயட் இல்லை.தமிழ் சினிமாவின் பல கிளிசேக்களை உடைத்து எரிந்திருக்கிறது  இப்படம்.

"இத சொல்றதுக்கு உனக்கு இவ்வளவு நாள் ஆச்சா!"என அமலாபால் சித்தார்த்திடம் சொல்லும் அழகே தனி!

" ஏங்க லவ் பண்றது இவ்வளவு கஷ்டமா இருக்கு"என நம்மை பார்த்து சித்தார்த் கேட்பதும் நியாயம் தான்

"பாசத்தையும்  சரி வெறுப்பையும் சரி பொண்ணுங்க காட்டுற அளவுக்கு  பசங்களால என்னைக்குமே காட்ட முடியாது "போன்ற ஜீவனுள்ள  வரிகள் படத்தோடு இணைய வைக்கின்றது நம்மை !

கிளைக்  கதைகள்

• அமலா பாலின் தாய் தந்தை காதல் ஓர் அழகு கவிதை.விவாகரத்து பெற விருக்கும் அமலா பாலின் தந்தை தனது மனைவிக்கு  மகளிடமே லவ் லெட்டர் கொடுத்து அனுப்புவதும்  அந்த வளையோசை பாடலும் அழகு

• அண்ணா என அழைத்தவளையே விடாமல் காதலிக்கும் நண்பன்,சித்தார்த்துக்கும் அமலா பாலுக்கும் சமரசம் செய்ய முயன்று அடிவாங்கும் அந்த குண்டு நண்பன் என வரும் கிளை கதைகள் அனைத்தும் அருமை 

 இயக்குனருக்கும் நடிக்க ஆசை போல படத்தில் சில காட்சிகளில் தலை காட்டுகிறார் பாலாஜி

அழைப்பாயா அழைப்பாயா பாடலும் சித்தார்த் பாடிய பார்வதி பார்வதி பாடலும் ஈர்க்கிறது

ஆண்கள் தான் ஈகோவை விட்டு கொடுக்கணும் என்ற உண்மை தான் படத்தின் முடிவு

உங்கள் பார்வைக்கு :

•  BLOGGER TEMPLATE வழங்கும் தளங்கள் 

•    BANNER அமைக்க உதவும் தளங்கள்

கடவுளுக்கு வேலை வைக்கிறேன் நான் !

 லட்ச கணக்காணோர் எழுதிய
வங்கி தேர்வில் என்னை
தேர்வு செய்ய வேண்டினேன்
அவ்வாறே செய்தார் கடவுள்
கடவுளுக்கு வேலை வைக்கிறேன் நான்!



அலுவலகத்தில்
எனக்கெதிராய் செயல்படுபவர்களை
எனக்கு ஆதரவாய்
செயல்பட வேண்டுகிறேன்
அவ்வாறே செய்கிறார் கடவுள்
கடவுளுக்கு வேலை வைக்கிறேன் நான் !


அதிகாலையில் எழுந்திரிக்க
அலாரம் வைப்பதில்லை நான்
அவரிடம் சொல்கிறேன்
எழுப்புகிறார் குறிப்பிட்ட நேரம் முன்பே !
கடவுளுக்கு வேலை வைக்கிறேன் நான் !

இழுபறியில் இருக்கும் என
நினைத்த தேர்வு முடிவுகளில்
என்னை தேர்வு பெற செய்யுங்கள்
என வேண்டுகிறேன் அதையும்
செய்கிறார் எனது உழைப்பு கண்டு !
கடவுளுக்கு வேலை வைக்கிறேன் நான் !

இன்னும் எத்தனயோ
செய்தார் செய்கிறார் செய்வார்
ஆனால் நான் என்ன செய்தேன்
அவருக்கு !ஒன்றுமில்லை
கடவுளுக்கு  வேலை வைக்கிறேன் நான் !


(இக்கவிதை கர்த்தருக்கு நான் செலுத்தும் சாட்சி கவிதை .எனது வாழ்க்கை சம்பவங்கள்.சிறப்பான கருத்துக்கள் அளிக்க வேண்டுகிறேன் )

உங்கள் பார்வைக்கு :

• நமது தளத்திற்கு இலவச TEMPLATE கள் வழங்கும் தளங்கள் 

• நமது தளத்திற்கு இலவச BANNER வழங்கும் தளங்கள்

சுருட்டி வீசியது ஆஸ்திரேலியா

• மூத்த வீரர்களின் பொறுப்பற்ற ஆட்டம்,ஒட்டு மொத்த இந்திய அணியின் ஆட்டம்  ஆகியவற்றால் 0-4 என்ற கணக்கில் முழுவதுமாக தொடரை பறிகொடுத்திருக்கிறது இந்தியா

எப்போதும் ஆஸ்திரேலியாவிற்கு  எதிராக சிறப்பாக விளையாடும் லட்சுமனும் சோடை போனார்.திராவிடும் பெரிய அளவில் சோபிக்கவில்லை

• விராட் கொக்லியின் சதம் இளம் வீரர்களை டெஸ்ட்  அணியில் சேர்க்க வேண்டும் என்பதை காட்டுகிறது 
• சச்சினின் 100 வது சதம் எப்போது என காத்திருந்து மோசம்  போனது இந்த தொடரிலும்!.அவர் சதத்தை விட இந்தியாவின் வெற்றி தேவைப்படுகிறது இப்போது !

பல  மாதங்களாய் பார்மில் இல்லாத ஆஸ்திரேலியாவின்  பாண்டிங்கை சிறப்பான பார்முக்கு (ஆட்டத்திறன்)  கொண்டு வந்ததே நமது பந்து வீச்சாளர்களின் சாதனை இந்த தொடரில் !

• ஒரு டெஸ்டையாவது சமன் (drawn) செய்ய கூட முடியாத வகையில் சுருட்டி வீசி விட்டது ஆஸ்திரேலியா இந்தியாவை !
• உள்ளூரில் புலி வெளியூரில் எலி இந்தியா என்பது உண்மையாகி விட்டது 
• 2-0 என்ற கணக்கில் வீழ்ந்த  சமயத்தில் நான் எழுதிய பதிவு உள்ளூரில் புலி வெளியூரில் எலி இந்தியா

உங்கள்  பார்வைக்கு :


*தமிழின் சிறந்த கவிதை தளங்கள் -2

*பதிவை எளிதில் இணைக்க உதவும் TOOLBAR இலவசமாக !

3 -பாடல்கள் ஓர் அலசல்

சூப்பர் ஸ்டார் ஒரு பாட்டில் பெரிய ஆளாக மாறுவார் படங்களில்...அவரது மருமகன் நிஜத்திலேயே ஒரு பாடல் மூலம் பெரிய ஆளாகி விட்டார் என்று ஒரு TWEET படித்தேன்.உண்மை தான் கொலைவெறி பாடல் மூலம் உலகத்தை திரும்பி பார்க்க வைத்திருக்கிறார் தனுஷ்.

கொலைவெறி  பாடலை தவிர மற்ற பாடல்கள் அனைத்தும் ஒரே மாதிரி இருப்பது போன்ற உணர்வு ஏற்படுகிறது .இருப்பினும் சிறந்த மெலோடிகள் தான்

6 பாடல்கள் ,ஒரு REMIX, மற்றும் மூன்று  தீம் சாங் என்ற கலவையாக  3 பட பாடல்கள் உள்ளது .பாடல்களில் நான் ரசித்த வரிகள் மற்றும் பாடலின் இணைப்பு கீழே !




இதழின்  ஒரு ஓரம்

அருமையான மெலடி .உதித் நாராயண் போல நிலுவையும் (நிலவையும் )ரசிக்க வைத்தாய் என்று தமிழில் புகுந்து விளையாடுகிறார் பாடகர்

பாடலில் நான் ரசித்த வரிகள் 

"என் நாடியை சிலிர்க்க வைத்தாய்
என்  இரவெல்லாம் வெளிச்சம் தந்தாய்
என்  ஆண்கர்வம் மறந்து உண்முன்னே பணிய வைத்தாய் " என்று பளிச்சிடும் வரிகள் இருக்கிறது

பாடல் கேட்க

கண் அழகா கால் அழகா

இதுவும் மெலடி பாடல் தான்.சுருதி ஹாசன் குரலில் ஈர்க்கிறது

பாடலில் நான் ரசித்த வரிகள் 

"எங்கயோ தேடி செல்லும் விரல் அழகா?
என்  கைகள் கோர்த்து கொள்ளும் விதம் அழகா ?
உயிரே உயிரே உனைவிட
எதுவும் உயிரில்  பெரிதாய் இல்லையடி!" என்று அசத்தும் வரிகள் சிறப்பு

பாடல் கேட்க

நீ  பார்த்த விழிகள்

காதலின் ஏக்கம் சொல்லும் மெலடி

பாடலில் நான் ரசித்த வரிகள் 

"நீ  பார்த்த விழிகள் நீ பார்த்த நொடிகள்
கேட்டாலும் வருமா கேட்காத வரமா


வலிகளில் பெண்ணே  வரைமுறை இல்லை
வதைக்கிறாய் என்னை மெதுவாக " என்றுகாதலின் ஏக்கம் சொல்கிறது.


பாடல் கேட்க

போ நீ போ 

காதலியை போக சொல்கிறாரா வர சொல்கிறாரா பாடலை கேளுங்கள் புரியும் .சோகம் வழியும் மெலடி

பாடலில் நான் ரசித்த வரிகள்

"இதுவரை உன்னுடன்  வாழ்ந்த நாட்கள் 
மறுமுறை வாழ்ந்திட வழி இல்லையா " என ஏங்குகிறார்

"தனியாக தவிக்கின்றேன் துணை வேண்டாம் அன்பே போ "என தவிக்கிறார்

பாடல் கேட்க

பாடலின் REMIX கேட்க 

LIFE ல WIFE  வந்துட்டா

 முந்தைய பாடல்களில் இருந்து தனித்து தெரியும் பாடல்.

"வீட்டுக்கு பிரெண்ட்ஸ் எல்லாம் வந்தா GUEST ஆக தான் நடத்தனும்

உன்  மேல தப்பில்லாட்டாலும் SILENT ஆக தான் இருக்கணும்" 

என மனைவி வந்தா இப்படி  தான் என சொல்கிறார்

 
பாடல் கேட்க

WHY THIS கொலைவெறி 

இந்த  பாடலை பற்றி சொல்லி தெரிய வேண்டியது இல்லை .உலக பிரசித்திபெற்ற பாடல் .பாடல் VISUAL ஆக எப்படி என தான் இப்போது ஆவல்.

தமிழை கொலை செய்து வந்த கவிஞர்களுக்கு மத்தியில் ஆங்கிலத்தை  முதன் முதலில் தமிழ் பாடலில் கொலை செய்ததற்காய் தனுஷுக்கு பாராட்டுக்கள் 

பாடல் கேட்க

தீம் சாங்ஸ் கேட்க 

*தீம்1

*தீம் 2

*தீம் 3

உங்கள் பார்வைக்கு :

*தமிழின் சிறந்த கவிதை தளங்கள் 

*பதிவை எளிதில் இணைக்க உதவும் TOOL BAR இலவசமாக

*தமிழின் சிறந்த பொழுது போக்கு தளங்கள்

*தமிழின் சிறந்த தொழில் நுட்ப தளங்கள்

சீறுகின்றாள் செந்தமிழ்த் தாய் !

 தமிழ் பேச

கூச்சப்படும் தமிழா !

நான் செந்தமிழ் தாய்

பேசுகிறேன்

ஆங்கிலம் இணைப்பு மொழி

தானே !ஏன் உயிர்ப்பாக

நினைக்கிறாய் ?

ஆங்கிலத்தை அரவணை

தவறில்லை! தமிழை  ஏன்

துறவறம் கொள்ள செய்கிறாய் ?

என்னை கொன்று போடும்

தமிங்கலத்தில் பேசும் நீ

செந்தமிழ் பேச

நா தழுதழுப்பது ஏன் ?

உன் தாயும் நானும்
ஒன்றல்லவா -உன் தாய் மொழி அல்லவா

நான் !

நாளைய உலகில்

தமிழ் இருக்கட்டும்

இறக்கச் செய்திடாதே !

(* ஈகரை வலைத்தளம் சமீபத்தில் நடத்திய கவிதைபோட்டிக்காக நான் எழுதிய கவிதை இது ..)

உங்கள் பார்வைக்கு :

*தமிழின் சிறந்த பொழுது போக்கு தளங்கள் 

*தமிழின் சிறந்த தொழில்நுட்ப தளங்கள்

*பதிவை எளிதில் இணைக்க உதவும் TOOLBAR இலவசமாக ! 

BLOGGER'S DIARY

• இனிய வணக்கம் வாசகர்களுக்கு !நீண்ட நாட்களாக ஆங்கில தளம் ஆரம்பிக்க யோசித்தேன் .பெரும்பாலும் தமிழ் பதிவர்களின் ஆங்கில தளங்கள் தமிழ் தளத்தின் மொழிபெயர்ப்பாக இருப்பது போன்ற உணர்வு எனக்கு உண்டு !எனது ஆங்கில தளம் அவ்வாறில்லாமல் BLOGGER'S DIRECTORY ஆக அதை நடத்த யோசித்தேன்.

• நான் ரசித்த பிடித்த தளங்கள் ஒவ்வொரு வகையாய் அதில் வரிசைபடுத்த இருக்கிறேன் .
•  உங்களது தளமும் அதில் வர உங்கள் தளத்தின் முகவரியை (WEB ADDRESS) எனது புதிய தளத்தின் COMMENT பகுதியில் தெரிவியுங்கள் .விரைவில் உங்கள் தளமும் விரைவில் பதிவில் இடம்பெறும்
• முதல்  பதிவாக நான் ரசித்த தமிழின் தொழில் நுட்ப வலைதளங்களை வரிசை படுத்தி இருக்கிறேன்

எனது தளம் உங்கள் பார்வைக்கு :BLOGGERS DAIRY


உங்கள்  ஆதரவை எதிர்பார்க்கும்

*பிரேம்குமார்  .சி*

உள்ளூரில் புலி வெளியூரில் எலியா இந்திய அணி?

• தொடர்ந்து அந்நிய மண்ணில்  ஆறாவது டெஸ்ட் தோல்வியை கண்டு இருக்கிறது இந்திய அணி.இம்முறை இன்னிங்க்ஸ் மற்றும் 68 வித்தியாசத்தில் தோல்வி .இங்கிலாந்து மண்ணில் தொடர் தோல்விகளை கண்டு பின்னர் இந்திய மண்ணில் இங்கிலாந்தை  வென்றது.

சச்சினின் 100  வது  சதம் எப்போது ?

• சச்சின் 100   வது சதம் அடிக்க நீண்ண்ண்ண்ண்ண்ட காலமாய் முயன்று வருகிறார் .அவரது இயல்பான ஆட்டம் பாதிக்கப்படுவது இந்த 100 வது சதத்தினால் தான்..

• சிட்னி டெஸ்டில் இந்திய சுவர் ராகுல் டிராவிட் பெரிதாக விளையாட வில்லை .நல்ல தொடக்கம் அமைய வில்லை .சேவாக் தொடர்ந்து ஏமாற்றுகிறார்.பேட்டிங்குக்கு சாதகமான ஆடுகளத்தில் நமது வீரர்கள் சொதப்பினர் முதல் இன்னிங்சில் ...ஆஸ்திரேலியா அசத்துகிறது பேட்டிங் மற்றும் பவுலிங்கில் ..

• அஸ்வின்  விளையாடுவதை கூட கோக்லியும் டிராவிட்டும் தோனியும்  விளையாடுவது இல்லை .தமிழக வீரர் அஸ்வின் பேட்டிங்கில் அசத்தி வருகிறார் சமீப காலங்களில்.

அஸ்வினின் அரை சதம்

• இந்திய மண்ணில் சிறப்பாக விளையாடும் இந்திய அணி அந்நியமண்ணில் தொடர்ந்து சொதப்பி வருகிறது .மீதமிருக்கும் 2 டெஸ்டிலும் வென்று தொடரை சமன் செய்வது அவ்வளவு எளிதானது அல்ல .உள்ளூரில் புலி வெளியூரில் எலி தானா  இந்தியா ?

பதிவை எளிதில் இணைக்க உதவும் TOOLBAR இலவசமாக !

• நமது பதிவுகள் பலரை சென்றடைய திரட்டிகள் உதவி புரிகின்றன.பதிவிட்ட பிறகு ஒவ்வொரு திரட்டியாக சென்று இணைப்பது சற்று சிரமமானது.அனைத்தும் ஓரிடத்தில் இருந்தால் என்ன என்றும் எனக்கும் தோன்றியது .ALEXA தளத்தில்  சமீபத்தில் உலவி கொண்டிருக்கையில் இதற்கான விடை கிடைத்தது.

• ALEXA TOOLBAR CREATOR மூலமாக திரட்டிகள் ,சமூக வலைத் தளங்கள்  அனைத்தும் உள்ள TOOLBAR உருவாக்கி உள்ளேன் .திரட்டிகளின் LOGO PHOTOSHOP மூலம் மெருகேற்ற அதிக நேரம் பிடித்தது .மற்ற படி TOOLBAR உருவாக்குவது எளிதானது.

• எனது  படைப்பான இந்த TOOLBAR இல் தமிழின் முதன்மை திரட்டிகளான இன்ட்லி ,தமிழ் மணம் ,தமிழ் 10,யு டான்ஸ் ,உலவு மற்றும் இனிய தமிழ் திரட்டிகளுக்கான இணைப்பும் FACEBOOK ,TWITTER,GOOGLE + போன்ற சமூக வலைத் தளங்களுக்கான இணைப்பும் பிளாக்கர் மற்றும் GMAIL இணைப்பும் தரப்பட்டுள்ளது.

• பதிவர்களுக்கு  மட்டும் அல்லாது அனைவருக்கும் பயன்படும் வகையில் சமூக வலைத் தளங்களுக்கான இணைப்பும் தரப்பட்டுள்ளது .இதை உங்கள் கணினியில் நிறுவி எளிதில் உங்கள் பதிவை இணையுங்கள் திரட்டிகளில் ..

• கணினியில் நிறுவிய உடன் உங்கள் கணினியை RESTART செய்தால் TOOLBAR உங்கள் கணினியில்இணைந்திருக்கும்.INTENET EXPLORER மற்றும்  FIREBOX BROWSER களுக்கு ஏற்றது

                           கணினியில் நிறுவ கீழே கிளிக்குங்கள் 

 

புதுவருட படங்கள் ,வாழ்த்துக்கள் நமது தளத்தில் வைக்க

புது வருடத்தை முன்னிட்டு நமது தளத்தில் இருபுறமும் புதுவருட படங்கள் ,வாழ்த்துக்கள் எவ்வாறு வைப்பது என்பது பற்றி இந்த பதிவு . 

புதிய மற்றும் அறியாத பதிவர்களுக்காக .. 


  இது எவ்வாறு இருக்கும் என்பதை காண கீழே கிளிக் செய்யவும்

மாதிரி
முதலில் பிளாக்கர் சென்று

DESIGN>>PAGE ELEMENTS>>ADD A GADGET

செல்லவும் .அங்கு HTML JAVASCRIPT  தேர்வு செய்யவும் .

பின்பு கீழே   உள்ள படங்களில் உங்களுக்கு பிடித்த படங்களின் IMAGE  URL  யை COPY செய்யவும்  (படங்களின் மீது RIGHT CLICK செய்து  COPY IMAGE LOCATION தேர்வு  செய்யவும் )

பின்பு பின்வரும் கோடிங்கில் IMAGE LINK 1 மற்றும்  IMAGE LINK 2 என்ற  இடங்களில்  அதனை   PASTE செய்யவும்  SAVE செய்யவும்  .

 <div style='position: fixed; top: 0%; left: 0%;'/>
<a href="http://kavithaiprem.in/" target="_blank"><img alt="Blog Tips" src="IMAGE LINK 1></a>
</div>
<div style='position: fixed; top: 0%;right: 0%;'/>
<a href="http://kavithaiprem.in/" target="_blank"><img alt="Blog Tips" src="IMAGE LINK 2></a>
</div>

இனி  உங்கள்  தளத்தின்  இருபுறமும்   உங்களுக்கு  பிடித்த  புது வருட படங்கள் ,வாழ்த்துக்கள்  ஜொலிக்கும் . 

குறிப்பு :மேலே உள்ள படங்கள் 150 *100  அளவில் சுருக்கப்பட்டவை .உங்களுக்கு வேறு ஏதேனும் படங்களை இணைக்க விரும்பினால் 150 *100  அளவில் சுருக்கி இணைக்கவும்