துப்பாக்கி பாடல்கள் -துளைத்ததா நெஞ்சை ?

 விஜய் யின் துப்பாக்கி பாடல்கள் சமீபத்தில் வெளியிடபட்டது .மொத்தம் ஆறு பாடல்கள் மற்றும் ஒரு தீம் சாங். நடிகர் விஜய் ஒரு பாடலை பாடி உள்ளார் .பாடல்கள்  பற்றியும் பாடலில் நான் ரசித்த வரிகள் மற்றும் பாடல் கேக்க இணைப்பும் கீழே


கூகிள் கூகிள் 

ஜாலியான பாடல் .விஜய்  ,ஆண்ட்ரியா பாடியுள்ளனர் .மதன் கார்க்கி இணையத்தை முழுவதும் கலக்கி எடுத்துள்ளார்  .ஆங்கில கலப்பு அதிகம் உள்ள பாடல் .facebook,twitter என புகுந்து விளையாடி உள்ளார்

ரசித்த  வரிகள்

 பொண்ணுங்க நம்பர் என் phoneல பாத்தா
சத்தமில்லாம தூக்கிடுவா -
ஓரக் கண்ணால sight அடிச்சாலும்
நோக்குவர்மத்தில் தாக்கிடுவா

நான் dating கேட்டா 

watchஅ பாத்து ok சொன்னானே!

shopping கேட்டா 

ebay.com கூட்டிப் போனானே!

movie கேட்டேன் 

 Youtube போட்டுப் popcorn தந்தானே!--

(அவ்வளவு நேரம் இல்லாமையா இருக்காரு பாஸ் வெளிய கூட்டு போகாம ..)

போய் வரவா :
மெலடி பாடல் கார்த்திக் ,சின்மயி குரலில் லயிக்கிறது .ரொம்ப மெலிதாக போகும் பாடல் .பா .விஜய் எழுதி உள்ளார்

ரசித்த வரிகள் 
எங்கே  மகன் என்று எவரும் கேக்க
ராணுவத்தில் என தாயும்  சொல்ல 
அத்தருணம் போல 
பொற்பதக்கங்கள் கை கிடைக்குமா 

நாட்டுக்கென்றே 
தன்னை கொடுத்த வீரம் 
ஆடை மட்டும் வந்து வீடு சேரும் 
அப்பெருமை போல 
இவ்வுலகில் வேறு கிடைக்குமா 

இந்த வரிகளை படிக்கையில் விஜய் ராணுவ வீரரோ இப்படத்தில் என  தோன்றுகிறது

அன்டார்டிகா 
விஜய் பிரகாஷ், க்ரிஷ்.பாடி  உள்ளனர். மதன் கார்க்கி எழுதியுள்ளார்.ஒவ்வொரு வரியிலும் கவிதை தெறிக்கிறது

ரசித்த  வரிகள் 

அவள் புருவத்துக் குவியலில்

மலைச் சரிவுகள் தோற்பதால்

விழும் அருவிகள் அழுவதை பார்த்தேன்!

அழகளந்திடும் கருவிகள்

செயலிழந்திடும் அவளிடம்

அணியிலக்கணம்

 அசைவதை பார்த்தேன்!

அவள் மேலே வெயில் வீழ்ந்தால்

நிலவொளியாய் மாறிப் போகும்

அவள் அசைந்தால்,

அந்த அசைவிலும் இசை பிறக்கும்!

வெண்ணிலவே :

மெலடி  பாடல்.ஹரிஹரன் பாம்பே ஜெயஸ்ரீ பாடியுள்ளனர்.முத்துகுமார் எழுதி  உள்ளார்

ரசித்த வரிகள்

அழகே நீயோ பூகம்பம் தானா
அருகே  வந்தால் பூக்கம்பம் தானா

நீ என் கனவில் வரவே 
எழாமல் இருக்கிறேன்

குட்டி  புலி கூட்டம் 

ஹரிகரன்  திப்பு மற்றும் பலர் பாடியுள்ளனர் .விவேகா எழுதியுள்ளார் 

 ரசித்த  வரிகள்

 ஐயோ நெஞ்சம் தான் 

அது பெண்மை தாண்டி என்னும் எண்ணம் கொஞ்சம் தான் 

பெண்ணே இன்பம் தான் 

அது வேண்டாம்  என்று சொல்லும்

ஆண்கள் பஞ்சம் தான் 

அலைக்கா  லைக்கா

ஜாவேத் அலி ,ஷர்மிளா பாடியுள்ளனர் .பா. விஜய் எழுதி உள்ளார் .டூயட்  பாடல் 

ரசித்த வரிகள்

நீ தொட்டு பேசும் ஹார்ட்டுக்குள்ளே

மைனஸ் டிகிரி வெப்பம் 

நீ ஆக்சிஜனில் சுவாசித்தாலே 

வாசம் சேர்க்கும் நுட்பம் 

தீம் பாடல் கேக்க ..

உங்கள் பார்வைக்கு :

 

அனிச்சம் பூ- அனுஷ்கா ஓர் ஆய்வு

அனிச்சம் பூ- அனுஷ்கா ஓர் ஆய்வு

அனிச்சம் பூவழகி என அனுஷ்காவை பார்த்து தாண்டவம் படத்தில் விக்ரம் பாடுவார் .


இந்த பாடலை கேட்டவுடன் அனிச்சம் பூ எப்படி பட்டது என இணையத்தில் தேடிய போது அனிச்சம் பூ மிகவும் மென்மையானது,நறுமண மிக்கது  எனவும் அதை முகர்ந்தாலே வாடி விடும் என்பதையும் அறிந்தேன் .

மேலும் திருக்குறளில் அதை பற்றி பல குறள்கள் உள்ளன .அதில் சில கீழே

90 வது குறள்

மோப்பக் குழையும் அனிச்சம் முகந்திரிந்து
நோக்கக் குழையும் விருந்து. 

பொருள்

அனிச்சம் எனப்படும் பூ முகர்ந்தவுடன் வாடி விட கூடியது .அதுபோல சற்று முகம் கோணி வரவேற்றாலே விருந்தினர் வாடி விடுவர்

+++++++++++++++++++++++++++++++++++++++++++++++++++++++

1111 வது குறள்

நன்னீரை வாழி அனிச்சமே நின்னினும்
மென்னீரள் யாம்வீழ் பவள்

பொருள் :
அனிச்சம் மலரின் மென்மையை புகழ்ந்து பாராட்டுகிறேன்.ஆனால் அந்த மலரை விட மென்மையானவள் என் காதலி
++++++++++++++++++++++++++++++++++++++++++++++++++++++++

1115 வது குறள்

அனிச்சப்பூ கால்களையாள் பெய்தாள்  நுசுப்பிற்கு
நல்ல படாஅ பறை

பொருள் 

அவளுக்காக நல்ல பறை ஒலிக்க வில்லை .ஏனெனில் அவள் இடை  ஒடிந்து வீழ்ந்து விட்டாள் .காரணம் அவள் அனிச்ச மலர்களை காம்பு நீக்காமல் தலையில் வைத்து  கொண்டது தான்
++++++++++++++++++++++++++++++++++++++++++++++++++++++
1120 வது குறள் 

அனிச்சமும்  அன்னத்தின் தூவியு மாதர்
அடிக்கு நெருஞ்சிப் பழம்

பொருள்

அனிச்ச மலராயினும் அன்னப்பறவை இறகாயியினும் இரண்டுமே நெருஞ்சி முள் தைத்தது போல் துன்புறுத்தக் கூடிய அளவுக்கு என் காதலியின் காலடிகள் அவ்வளவு மென்மையானவை
++++++++++++++++++++++++++++++++++++++++++++++++++++

ஆக அனுஷ்கா அனிச்சம் பூவை போல அவ்வளவு மென்மையானவர் என பாடல் ஆசிரியர் கூறுகிறார்

உங்கள்  பார்வைக்கு :
 

 

தாண்டவமும்... 3 ஹீரோயின்களும் ...

தாண்டவமும்... 3 ஹீரோயின்களும் ...

 தாண்டவம் கதை

லண்டன் குண்டுவெடிப்பில் கண் பார்வையை இழந்து உயிர்  தப்பிய விக்ரம் குண்டு வெடிப்பில் இழந்த மனைவியை கொன்றவர்களை பழிவாங்குவது தான் கதை

மூன்று ஹீரோயின்கள்

எமி ஜாக்சன் ,அனுஷ்கா ,லக்ஷ்மிராய் என மூன்று ஹீரோயின்கள் .லக்ஷ்மி ராய் ஒரு சில காட்சிகள் தான் மற்ற இருவருக்கும் சம அளவில் காட்சிகள்

எமி ஜாக்சன்

• மிஸ் லண்டன் ஆக அறிமுக காட்சி மற்றும் இரண்டு பாடல்கள்.மிஸ் யுனிவர்ஸ் ஆக சமூக அக்கறை வேண்டும் என மரம் வளர்த்தல் ,go green  என நடித்து போட்டோ எடுப்பது உண்மை உரைக்கும் காட்சிகள்.
•  கண்பார்வையற்ற விகரமுடன் நட்பு பாராட்டி இறுதியில் விக்ரமை போலீசில் காட்டி கொடுக்கும்  கேரக்டர் ஆக நடித்திருக்கிறார் 

அனுஷ்கா  

•  விக்ரமின் மனைவியாக பிளாஷ்பேக்கில் வருகிறார்அனுஷ்கா 
•  விக்ரம் -அனுஷ்கா திருமணம் முடிந்து பின்பு நடக்கும் காட்சிகள் மௌனராகம் படத்தின் மோகன் ரேவதியை நினைவூட்டினாலும் ரசிக்க வைக்கின்றன.
•  அனுஷ்காவிற்கு பிடித்த விசயங்களை அவர் தங்கை மூலம் கேட்டு கொண்டு அனுஷ்காவிடம் விக்ரம் பேசும் காட்சிகள் கலக்கல்.இரண்டு பாடல்கள் இவருக்கும் இருக்கிறது

லக்ஷ்மி ராய்

•  விக்ரம் நண்பரின் மனைவியாக வருகிறார் லக்ஸ்மி ராய்
•  குண்டு வெடிப்பில் இழந்த கணவனை கொன்றவர்களை கொல்வதற்காக விக்ரமுடன் இணைந்து அவர்களை  கொல்வதற்கு உதவி செய்கிறார் .மற்ற படி பெரிதாக காட்சிகள் இல்லை இவருக்கு..

சந்தானம் டாக்ஸி டிரைவர் ஆக கதையுடன் இணைந்தும்,நாசர் விக்ரம் செய்த கொலைகளை கண்டுபிடிக்கும் அதிகாரியாகவும்  வருகிறார்


மொத்தத்தில் கிளாமர் காட்சிகள் இல்லாத குடும்பத்துடன் எந்த நெளிவு சுளிவுக்கும் வழிவகுக்காமல் பார்க்க கூடிய படம் தான் இந்த தாண்டவம் .

சரவணன் -மீனாட்சி - 18+ ?

• விஜய் டிவியின் சரவணன் மீனாட்சி பல யூத்துகளை நாடகம் பார்க்க வைத்தது உண்மை .ஆனால் அது தற்போது குடும்பத்துடன் பார்க்க முடிகிறதா என்றால் இல்லை என்பதே உண்மை 

•  சரவணன் மீனாட்சிக்கு திருமணம் முடிந்து முதல் இரவு நடக்க தான் இந்த அக்க போர் .

• முதல்  இரவை வைத்து ஒரு மாதத்திற்கு மேலாக கதையை ஓட்டுகின்றனர் 

நடந்தது  என்ன ?

• ஆடி  மாதத்தை முன்னிட்டு முதல் இரவு தள்ளி வைக்க படுகிறதாம் அதுக்கு நடந்த அக்க போர்கள் நெளிய வைப்பவை.மாமனாரே மருமகளிடம்  முதல் இரவை பற்றி மறைமுகமகமாக பேசும் கொடுமைகளும் உண்டு ..(நல்ல வேலை அப்பா பேசமா போனாரே )

• ஒரு  வழியாக ஆடி முடிந்து ஆவணி பிறந்து முதல் இரவை  கொண்டாடலாம் என்றால் மீனாட்சியின் மாமனார்கள் நடு இரவில் முதல் இரவை கலைத்து தங்கள் பண்ணை வீட்டில் தான் நடக்க வேண்டும் என்கிறார்  

• பண்ணை  வீட்டில் முதல் இரவு நடக்க விருக்கும் நேரத்தில் மீனாட்சி மாமனார்கள் ரூமுக்கு வெளியே இசை கச்சேரி நடத்தி முதல் இரவு நடக்க விடாமல் பண்ணுகின்றனர் .

• அதுக்கு சரவணனும் மீனாட்சியும் முதல் இரவு  நடக்கவில்லையே என காட்டும் ரியாக்சன்கள் இருக்கிறதே அப்பப்பா இனி குடும்பத்துடன் இந்த நாடகத்தை பார்ப்பதில்லை என முடிவெடுத்து விட்டேன் (தனியா பாத்துக்குவோம் )

 உங்கள் பார்வைக்கு :

 

சன் டிவியின் "சூப்பர் குடும்பம்" சூப்பரா ?

சன் டிவியின் "சூப்பர் குடும்பம்" சூப்பரா ?

•  விஜய் டிவி தனது தொகுப்பாளர்களை விஜய் குடும்பம் என அழைக்கும்.ஆனால் சன் டிவி  தனது சீரியல் நட்சத்திரங்களை வைத்து சூப்பர் குடும்பம் என்ற நிகழ்ச்சியையே நடத்தி கொண்டு இருக்கிறது 

• சனிக்கிழமை தோறும்  இரவு 9 மணிக்கு இந்த நிகழ்ச்சி ஒளிபரப்பாகிறது 

• மீனா ,சுகன்யா ,கங்கை அமரன் போன்ற பழைய ஆட்களை ஜட்ஜ் ஆக போட்டு கொல்லுகின்றனர்

• நிகழ்ச்சி  தொகுப்பாளராக மமதி  மற்றும் காயத்ரி ஜெயராம் நடத்துகின்றனர் 

நிகழ்ச்சி எப்படி ?

•  சன் டிவியின்  சீரியல்களில் ஒவ்வொறு சீரியல்களிலும் நால்வரை அழைத்து  ஒவ்வொரு  குடும்பம் உருவாக்கி உள்ளனர் 

• ஆட்டம்  ,பாட்டு ,நடிப்பு என தங்களுக்கு தெரிந்தவற்றை ஒவ்வொருவரும் செய்கின்றனர் 

• அட்டகாசமான கலைஞர் என்று ஒருவரை  ஒவ்வொரு நிகழ்ச்சியின்  இறுதியில் தேர்ந்தேடுக்கின்றனர்

மொத்தத்தில் மனம் விட்டு சிரிக்க இந்த நிகழ்ச்சி பார்க்கலாம் (ஒவ்வொருவரும் செய்யும் சாகசங்கள் அப்படி )

உங்கள்  பார்வைக்கு :

HUNT FOR HINT- சில ரகசியங்கள்

HUNT FOR HINT- சில ரகசியங்கள்

HUNT FOR HINT -இது தற்போது இணையத்தில் பரபரப்பாக  பலரால் விளையாட பட்டு  கொண்டிருக்க கூடிய ஒரு விளையாட்டு.அத்தனை திரில் வேகம் .விளையாட்டை அமைத்தவர்களுக்கு  நன்றிகள்.நான் தற்போது LEVEL 4 இல் இருக்கிறேன் .அதை தாண்ட தெரியாமல் திணறி கொண்டிருக்கிறேன்



விளையாட்டு எப்படி :

• கொடுக்கப்பட்ட படங்களை வைத்து மறைந்திருக்கும் CLUE க்களை கொண்டு கேள்வியையும் கண்டுபிடித்து விடையையும் கண்டுபிடித்து அடுத்தடுத்த லெவல்களுக்கு செல்ல வேண்டும்

• PAGE SOURCE,PAGE TITLE,CHANGE THE URL  போன்ற பல CLUE மூலம் ஒவ்வொரு படியையும் கடக்க வேண்டும் 

• இந்த 4 வது லெவலுக்கு வருவதற்குள் நான் பட்ட பாடு இருக்கிறதே .இது தான் அக்குழுவினரின் வெற்றி என நினைக்கிறேன் 

  TOBLERONE :

என்ன இது புது பெயர் என நினைக்கிறீர்களா (எங்கயோ  பார்த்த பெயர் ஆக இருக்கிறதே என இந்த விளையாட்டை விளையாடியவர்கள் நினைப்பார்கள் )

•   TOBLERONE  சுவிட்சர்லாந்தில் பிரபலமான ஒரு முக்கோண வடிவ சாக்லேட் .

• இந்த போட்டியின் 3 வது லெவலில் TOBLERONE  என்ற படம் இருந்தது .அதை கூகுளில் தேடினால் சுவிட்சர்லாந்து சாக்லேட் என்று வந்தது.பிறகு விக்கிபீடியாவில் தேடி ஒரு வழியாக விடையை கண்டுபிடித்தேன் 

• விக்கிபீடியாவில்  தான் விடை கிடைத்தது எனக்கு .விக்கிபீடியாவையும் கூகிள் யையும் தேட வைத்ததே அவர்கள் வெற்றி தான் .தொடரட்டும் அவர்கள் பணி 

• நீங்களும்  விளையாட இங்கு கிளிக்குங்கள்

கோபிநாத்தும் ஒன்பதும் ...

• கோபிநாத் இந்த பெயரை தெரியாத விஜய் டிவி நேயர்கள் இருப்பது அரிது .விஜய் டிவி தொகுப்பாளர்களில் இவருக்கென்று தனி இடம் உண்டு

• நீயா நானா நிகழ்ச்சியில் இவர் அடிக்கும் லூட்டி சொல்லி மாளாது .அந்த நிகழ்ச்சி இவ்வளவு  வெற்றி பெற விவாத திறமையுடன் இவரின் நடிப்பு திறமையும் காரணம்.

• பவர்  ஸ்டாரை கேவலபடுத்தி தானே கேவலப்பட்ட கோபிநாத் நிகழ்ச்சியை பார்த்து இருப்பீர்கள் .

• தற்போது  விஜய் டிவி யில் காலை மற்றும்  இரவு 9 மணிக்கு இவர் ராஜ்ஜியம் தான் விஜய் டிவியில் ..

உன்னால் முடியும் 

• உன்னால் முடியும் -இது தான் விஜய் டிவியின்  புதிய விவாத நிகழ்ச்சி ஞாயிறு தோறும்  காலை 9 மணிக்கு ஒளிபரப்பாகிறது .நீயா நானாவை  விட இதில் கோபிநாத் அடக்கி வாசிப்பதாகவே தெரிகிறது 

• வெற்றி பெற்ற தொழிலதிபர்களை அழைத்து அவர்கள் வளர்ந்த விதம் பற்றி பேசும் புதிய நிகழ்ச்சி 

• கடந்த வாரங்களில் இதயம் அதிபர் ,சக்தி மசாலா அதிபர்களை அழைத்து விவாதம் நடத்தினர் ,MBA மாணவர்கள் விவாதத்தில்பங்கேற்றனர்.நாளை POWER சோப்பு அதிபர் பங்கேற்கிறார் 

• சற்று  வித்தியாசமான நிகழ்ச்சி தான்.வித்தியாசத்திற்க்கு என்றுமே விஜய் டிவி தான் போல !

• இனி விஜய் டிவியில் ஞாயிறு காலையும் இரவும் 9 மணிக்கு கோபிநாத் தான் .

கடவுளை பின்னுக்கு தள்ளியவர்கள் ..

மாதா பிதா
குரு அதன் பின்னர் தானே
தெய்வம்
அத்தனை மகிமை
அல்லவா உங்களுக்கு ..



கடவுளையே
பின்னுக்கு தள்ளியவர்கள்
அல்லவா நீங்கள் !

எல்லா  தொழிலுக்கும்
அச்சாணி நீங்கள் தானே !
அவர்களை உருவாக்குவது
 நீங்கள் தானே !

உங்களை போற்றுகிறோம்
நினைவு கூறுகிறோம்
இந்நாளில் ..


                               இனிய ஆசிரியர் தின வாழ்த்துக்கள்

நான் ரசித்த படங்கள் -2

 இந்த படங்கள் எல்லாம் பார்த்த மாத்திரம் எனக்கு பிடித்து போனது நீங்களும் ரசியுங்கள் கருத்திடுங்கள் அன்பர்களே!

எப்படிலாம் யோசிக்கிறாங்க

+++++++++++++++++++++++++++++++++++++++++++++++++++++++++++

இது உண்மை தானோ

++++++++++++++++++++++++++++++++++++++++++++++++++++++++++

எதிர்காலத்தில் இது நடக்கலாமுங்க

 ++++++++++++++++++++++++++++++++++++++++++++++++++++++++++

ஷூக்களால் ஒரு மனிதன் சோகமாய் இருப்பது போன்ற படம்

 +++++++++++++++++++++++++++++++++++++++++++++++++++++++++++

இவுங்களுக்கு ரொம்ப குசும்பு தான்

 +++++++++++++++++++++++++++++++++++++++++++++++++++++++++++

இது புதுசு எப்டிலாம் யோசிக்கிறாங்க பாருங்க 

 ++++++++++++++++++++++++++++++++++++++++++++++++++++++++
 நன்றி :கூகிள்+

மற்றுமொரு பதிவு :     என்னை கவர்ந்த படங்கள்

 உங்கள் பார்வைக்கு :

முகமூடி -படம் அல்ல ..

சிறந்த கருத்தாளர் -ஆகஸ்ட்

ஒவ்வொரு  மாதமும் எனது தளத்தில் சிறந்த கருத்திடுபவர்களுக்கு அவரின் தளத்தை எனது தளத்தின் இடது SIDEBAR தொடக்கத்தில்  விளம்பரபடுத்தி வருகிறேன் .அதே போல் சென்ற ஆகஸ்ட் மாதத்திற்கான சிறந்த கருத்தாளர் பற்றிய பதிவு இது !


ஆகஸ்ட் மாதம் மொத்தம் 13 பதிவுகள் என்னால் வெளியிடப்பட்டது அதில் குறிப்பிடத்தக்க கருத்துக்கள் கீழே    
நட்பு ஒன்று போதுமே ....
என்ற பதிவிற்கு அன்பர் அளித்த கருத்து

அரசன் சே said...

அதிகாலை அரும்பிய மலர்களின் மீது அழகு படுத்தும் பனித்துளியாய் நம் வாழ்வை அலங்கரிப்பது நட்பு மட்டுமே .. நற்கவிதை அன்பரே

     

++++++++++++++++++++++++++++++++++++++++++++++++++++++++++++

HIDDEN BLOGS வசதி -நமது DASHBOARD இல் 

என்ற  பதிவிற்கு அன்பரின் கருத்து கீழே

AROUNA SELVAME said... பாஸ்... நல்லதா போச்சிங்க உங்க ஐடியா.... முதலில் என் தளத்தில் உங்களது தான்....
இது சும்மா...ஹிஹிஹி

நல்ல பயனுள்ள பதிவுதாங்க இது. நானும் சிலதைப் பதிந்துவிட்டு எதற்காகப் பதிந்தோம் என்று தெரியாமல் விழித்திருக்கிறேன். எடுத்தாலும் திரும்பவும் கொண்டு வரலாம் என்பது சற்று மன ஆறுதல் தான்.
நன்றிங்க பாஸ்.
++++++++++++++++++++++++++++++++++++++++++++++++++++++++++++++++++++

 

ஏன் இந்த கொலைவெறி ? 

என்ற  பதிவிற்கு அன்பரின் கருத்து கீழே

அருண்பிரசாத் வரிக்குதிரை said...

கவியை விட உங்கள் கருத்து மிகப் பிடித்தது. காதல், கற்பு, கலவரம் .... இவற்றையெல்லாம் வெறுமனே அடக்கியாள முடியாது என்பது தெரியாது.... பெரும்பாலான ஆட்சியாளர்களுக்கு..      

++++++++++++++++++++++++++++++++++++++++++++++++++++++

 நாங்கள் பதிவர்கள் தமிழ்பதிவர்கள்.. 

என்ற  பதிவிற்கு அன்பரின் கருத்து கீழே

இக்பால் செல்வன் said...

அருமையான கவிதை .. இணையம் நமக்கு எவ்வளவு சக்தியைக் கொடுக்கின்றது .. எத்தனை ஆயிரம் மைல்களுக்கு அப்பால் நீங்கள் நினைப்பதை நான் படித்துக் கருத்திடுகின்றேன். ஒரு ஐம்பது ஆண்டுகளுக்கு முன் இவை எல்லாம் நினைத்துக் கூட பார்க்க முடிந்ததில்லை அல்லவா !!! இணையம் என்றுமே அற்புதமான ஒன்று .. அட்சயப் பாத்திரம் இது !!!     

+++++++++++++++++++++++++++++++++++++++++++++++++++++

நான் எப்படியடி தூங்க? 
என்ற  பதிவிற்கு அன்பரின் கருத்து கீழே 

அரசன் சே said...

காலங்காலமாய் அவர்கள் செய்யும் வாடிக்கை விளையாட்டு தான் அன்பரே .. அதானே எப்படி தூங்க முடியும் ..

++++++++++++++++++++++++++++++++++++++++++++++++++++++++++++++     

3 -இது தனுஷ் படம் அல்ல ..

என்ற  பதிவிற்கு அன்பரின் கருத்து கீழே 

Abdul Basith said...

மூன்றாமாண்டில் காலடி வைத்திருப்பதற்கும், மேலும் வளர்ச்சி அடைவதற்கும் வாழ்த்துக்கள் அன்பரே! தற்போது சினிமா செய்திகளுக்கு தான் மவுஸ் அதிகம். பேசாமல் சினிமா பற்றியும் கவிதை எழுதுங்களேன்? :D :D :D

   ++++++++++++++++++++++++++++++++++++++++++++++++++++++++++    
மேற்கண்ட  கருத்துகளை தவிர பல கருத்துக்கள் உள்ளன .பதிவின் நீளம் கருதி அவை சேர்க்க பட வில்லை .பல சிறந்த கருத்துக்களை அளித்து என்னை ஊக்கபடுத்திய "கரைசேரா அலை" அரசனுக்கு ஆகஸ்ட் மாத சிறந்த கருத்தாளர் ஆக தேர்ந்து எடுக்கிறேன்
அவரது தளம் இந்த மாதம் முழுவதும் எனது தளத்தின்  இடது SIDEBAR இல் விளம்பரபடுத்தபடும்.நன்றி
முந்தைய கருத்தாளர்கள் :

மே             :  வரலாற்று சுவடுகள்  

ஜூன்       : """  என் ராஜபாட்டை"  ராஜா 

ஜூலை  :கோடங்கி " இக்பால் செல்வன் """